صحيفة الخبر الالكترونية صحيفة اخبارية تهتم بالشأن الثقافي والإنساني
مقالات مشابهة
أنا الجايي عَ الوقت الجايي
القصيدة للشاعرة هالة نهرا
*إلى روحَيْ الشهيدَين فرح عمر وربيع المعماري
أنا الجايي عَ الوقت الجايي
إشرب غيم الحكي
ونام..
أنا الْ شَقَلْتْ طراريح فوق الريح
وِيْلالي إسمَك عَ الصدى
راح لْ هاك الْحَدا
جَبلي سلام
وشَقَعلي الهَنا مْنام
الله إسمو الغرام..
***
القمر من لهفتو ركض لَيِّي حافي
وقلّي يَلّا نشلح هالدني
ونِلْبُس ضحكات هربانة من زهر الرِّمّان
ونْلبِّس كْوَاز الحنين وجوهْنا
والمسبحة عُمُر بلون عيونِك سهيان
والنغم بقوس الكمان
يسرح غزلان بمراعي جفونِك
هالوقت الْ شايف حالو
نسي عَ التتخيتة مرايةْ العيد
وخطف الإيد
انخطبِتْ عَ الزمان
تاري فرح الربيع الجايي عَ الوقت الجايي نعسان
شرب غيم الحكي
ونام..
–
